وزیراعظم شہباز شریف ( Shahbaz sharif) نے اپنے بیان میں کہا کہ فلسطینی عوام نے ناقابل بیان مصائب برداشت کیے ہیں، ایسی تکلیف دہ صورتحال دوبارہ کبھی نہیں دہرائی جانی چاہیے۔ غزہ میں نسل کشی کے خاتمے کے معاہدے کا اعلان تاریخی موقع ہے۔

غزہ میں جنگ بندی کی راہ ہموار ، حماس اور اسرائیل نے امن منصوبے کے پہلے مرحلے پر دستخط کر دیئے

وزیراعظم نے ڈونلڈ ٹرمپ کی قیادت کو سراہتے ہوئے کہا کہ صدر ٹرمپ نے مذاکرات کے عمل میں عالمی امن کے لیے غیر متزلزل عزم دکھایا، قطر، مصر اور ترکیہ کے رہنماؤں کی کوششوں کو بھی خراج تحسین پیش کرتا ہوں کہ انہوں نے معاہدے کے لیے انتھک کوششیں کیں۔

شہباز شریف نے مسجد اقصیٰ میں حالیہ اشتعال انگیزیوں پر تشویش کا اظہار کرتے ہوئے کہا کہ دنیا کو قابضین اور غیر قانونی آبادکاروں کو جواب دہ ٹھہرانا ہو گا، عالمی برادری امن کی کوششوں کو کمزور کرنے والے اقدامات کو روکے۔

اسرائیل کو معاہدے کی تمام شرائط پر مکمل عملدرآمد کا پابند بنایا جائے ، حماس

انہوں نے کہا کہ ہم دوست ممالک کے ساتھ مل کر امن کے لیے کام جاری رکھیں گے، فلسطینی عوام کے لیے امن، سلامتی اور وقار یقینی بنایا جائے گا۔