کراچی: کاروباری ہفتے کے دوسرے روز عالمی مارکیٹ میں سونے کی قمیت میں اضافہ ہوا ہے۔ بین الاقوامی بلین مارکیٹ میں فی اونس سونے کی قیمت میں 3 ڈالرز کا اضافہ ہوا جس کے بعد سونے کی فی اونس قیمت 1863 ڈالرز کی بلند ترین سطح پر آگئی جبکہ ملکی صرافہ مارکیٹوں میں بھی سونا مہنگا ہوگیا۔ جس کے نتیجے میں کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت 1400 روپے بڑھ کر ایک لاکھ 34 ہزار 200 روپے اور فی 10 گرام قیمت 1200 روپے بڑھ کر ایک لاکھ 15 ہزار 226 روپے پر پہنچ گئی۔ دوسری جانب فی تولہ چاندی کی قیمت بغیر کسی تبدیلی کے 1500 اور 10 گرام چاندی کی قیمت 1286 روپے رہی۔