لاہور: اپوز یشن  لیڈرشہباز شریف  سے ایرانی قونصل جنرل محمد رضا ناظری نے ملاقات کی جس میں خطے کی صورتحال اور باہمی دلچسپی کے امور پر  گفتگو کی گئی ہے۔ تفصیلات کے مطابق شہبازشریف نے ایرانی وفد کا پرتپاک استقبال کیا اورایرانی وفد کےلیے نیک خواہشات کا اظہار بھی کیا ہے۔ اپوز یشن  لیڈرشہباز شریف کا کہنا تھا کہ ہم آپکے اور ایرانی قوم کے شکر گزار ہیں،ایران کا دورہ مجھے آج بھی یاد ہے۔  ان کا مزید کہنا تھا کہ ایران میں مشہد کے دورے پر صفائی سے بہت متاثر ہوا تھا،میں نے مشہد کی صفائی کے متعلق وہاں کے افسران سے تفصیلی بریفنگ بھی لی تھی۔  ایرانی قونصل جنرل کا کہنا تھا کہ مجھے آپ کے پاس آنے میں تاخیر ہوئی لیکن آج ملاقات پر بے حد خوشی محسوس ہورہی ہے۔  ان کا مزید کہنا تھا کہ مجھے پاکستان میں آئے ابھی 20دن ہوئے تھے کہ بیگم کلثوم نواز  کا  انتقال ہوگیا، انہوں کہا کہ میں میاں نوازشریف  سے اظہار افسوس کرنےجاتی امراءمیں گیا تھا۔