لاہور: سابق صدر آصف علی زرداری سے سپیکر پنجاب اسمبلی چودھری پرویزالٰہی ملاقات میں ملکی سیاسی صورتحال سمیت باہمی دلچسپی کے دیگر امور پر تفصیلی تبادلہ خیال گیا ہے۔ تفصیلات کے مطابق دونوں رہنماؤں کی ملاقات میں فیصلہ کیا گیا ہے کہ سیاسی منظر نامے میں آصف علی زرداری اور چودھری پرویزالٰہی مشاورت سے لائحہ عمل طے کریں گے، پیپلز پارٹی اور پاکستان مسلم لیگ کا مشاورت سے فیصلے کرنے پر اتفاق ہوا ہے۔ پاکستان مسلم لیگ ق اور پیپلز پارٹی کی قیادت کا ایک دوسرے پر بھرپور اعتماد کا اظہارکیا گیاجبکہ ملاقات میں طارق بشیر چیمہ، مونس الٰہی، سالک حسین، حسین الٰہی، شافع حسین اور راسخ الٰہی بھی شامل تھے۔