امریکی پاپ سپر اسٹار کیٹی پیری نے اپنا نیا گانا ریلیز کرنے کے ساتھ اپنے حاملہ ہونے کا بھی اعلان کردیا۔گلوکارہ نے اپنے نئے گانے 'نیور وارن وائٹ' کی ویڈیو جاری کی، جس میں وہ اپنے بےبی بمپ (baby bump) کے ساتھ نظر آئیں۔چار منٹ دورانیے کی اس ویڈیو کے آخر میں گلوکارہ نے حاملہ ہونے کی خبر مداحوں کے ساتھ شیئر کی۔ https://twitter.com/katyperry/status/1235271430733881344 سماجی رابطے کی ویب سائٹ ٹوئٹر پر اس خبر کو شیئر کرنے کے بعد گلوکارہ نے لکھا کہ 'شکر ہے مجھے مزید اسے چھپانے کی ضرورت نہیں پڑے گی یا اس کی وجہ سے کوئی بڑا پرس ساتھ لے کر نہیں چلنا پڑے گا'۔ https://twitter.com/katyperry/status/1235440763724423168 https://twitter.com/katyperry/status/1235440853750964224 جبکہ ایک اور ٹوئٹ میں انہوں نے لکھا کہ 'میں بہت نروس تھی یہ خبر شیئر کرنے سے قبل، لیکن مجھے اتنا سپورٹ اور پیار زندگی میں کبھی نہیں ملا جتنا اس کے بعد ملا'۔ https://twitter.com/katyperry/status/1235826295650447361 خیال رہے کہ کیٹی پیری نے تاحال اپنے منگیتر اورلینڈو بلوم کے ساتھ شادی نہیں کی البتہ خیال کیا جارہا ہے کہ ان دونوں کی جلد شادی ہوجائے گی۔کیٹی پیری نے 2010 میں برطانوی اداکار رسل ایڈورڈ کے ساتھ شادی کی تھی جبکہ دو سال بعد ہی ان دونوں میں علیحدگی ہوگئی۔گلوکارہ 2016 سے اداکار اورلینڈو بلوم کے ساتھ تعلقات میں ہیں۔اورلینڈو بلوم نے 2019 میں کیٹی پیری کے ساتھ منگنی کی تھی جبکہ خبریں ہیں کہ جلد یہ دونوں شادی کرکے اپنی زندگی کے نئے سفر کا آغاز کریں گے۔ https://www.instagram.com/p/B9UmNAXHGRZ/?utm_source=ig_web_copy_link اورلانڈو بلوم نے پہلی شادی سپر ماڈل مرنڈا کیر سے 2010 میں کی تھی اور انہیں ان سے ایک بیٹا بھی ہے۔اورلانڈو بلوم کی بھی پہلی شادی ناکام ہوگئی اور 2013 میں ان کی طلاق ہوگئی۔اپنے حاملہ ہونے کے حوالے سے کیٹی پیری کا کہنا تھا کہ 'میں چاہتی تھی مداحوں کو سب کچھ بتاؤں لیکن ایک ایسے انداز سے بتاؤں جو بہتر ہو، میں موسیقی کی زبان سے ہی مداحوں کے ساتھ بات کرتی ہوں اور یہ خبر بتانے کے لیے بھی اس کا ہی انتخاب کیا'۔