راولپنڈی: سربراہ پاکستان عوامی مسلم لیگ شیخ رشید احمد نے کہا ہے کہ حکومت ملک کو آئی ایم ایف کے ذبح خانوں میں ڈالنے کی شرائط بتائے۔  ادارے اور اثاثے جان سے زیادہ عزیز ہیں، ملک کو دہشتگردی سے زیادہ حکومت نے نقصان پہنچایا ہے۔ سابق وفاقی وزیر داخلہ نے سماجی رابطے کی ویب سائٹ ٹوئٹر پر شیخ رشید احمد کا کہنا تھا کہ معاشی سیاسی دہشت گرد اور قبضہ گروپ لوگوں کی بوٹیاں نوچ رہے ہیں، انکا مسئلہ غریب کو ریلیف نہیں تکلیف دینا اور اپنے کیس ختم کرانا ہے،90 دن میں الیکشن نہ ہوئے تو سڑکوں پر فیصلہ ہوگا۔ https://twitter.com/ShkhRasheed/status/1619236763846967296?ref_src=twsrc%5Etfw%7Ctwcamp%5Etweetembed%7Ctwterm%5E1619236763846967296%7Ctwgr%5E777d4d86532f9aa03d1f397be26a6e3ac9f58d98%7Ctwcon%5Es1_&ref_url=https%3A%2F%2Fgnnhd.tv%2Furdu%2Fnews%2F20628 انہوں نے کہا کہ پاکستان کی کرنسی رل گئی، ڈالر270کا ہوگیا، پٹرول کی قیمتیں بھی بڑھیں گی، قوم پیٹ پر پتھر باندھ لے گی، قومی خودمختاری پر سودا نہیں کرے گی، 10فروری تک آئی ایم ایف سے امداد کی شرائط طے ہونگی۔ انہوں نے  مزید کہنا تھا کہ لال حویلی پر قبضے کا خواب دیکھنے والے ذلیل اور رسوا ہونگے اور ہم انکا مقابلہ کریں گے، فتح حق کی ہوگی۔