پاکستانی شوبز انڈسٹری کی نامور جوڑی حمزہ علی عباسی اور نیمل خاور خان کی ویڈیوز اور تصاویر ویسے ہی سوشل میڈیا پر وائرل ہوتی رہتی ہیں اس کے ساتھ ساتھ یہ دونوں خود بھی اپنے مداحوں کے ساتھ خوبصورت تصاویر شیئر کرتے رہتے ہیں۔ سابق اداکارہ نیمل خاور خان نے اپنے انسٹاگرام اکاؤنٹ پر شوہر حمزہ علی عباسی کے ہمراہ ایک رومانوی تصویر بھی شیئر کی جو فوری وائرل ہوگئی۔اس تصویر میں حمزہ علی عباسی اپنی اہلیہ کو گود میں اٹھائے ہوئے ہیں۔ لیکن سوشل میڈیا پر جہاں لوگوں کو ان دونوں کی یہ تصویر رومانوی لگی وہیں نیمل خاور خان کے ایک کمنٹ کی وجہ سے مداح اس تصویر کو دیکھ کر اور بھی زیادہ محظوظ ہوئے۔نیمل خاور خان نے اس تصویر پر لکھا کہ 'اگر نکاح پر ان کے بال ہوتے تو یقیناً یہ ایسے نظر آتے'۔خیال رہے کہ نیمل خاور خان اور حمزہ علی عباسی نے گزشتہ سال 25 اگست کو شادی کی تھی۔ اپنی شادی سے قبل حمزہ علی عباسی نے حج کی سعادت حاصل کی تھی۔اداکار نے گزشتہ سال جب اپنی شادی کا اعلان کیا تھا تو اس وقت بھی نیمل کے لیے ایک پیغام میں لکھا تھا کہ وہ ان کی بےحد عزت کرتے ہیں کیوں کہ وہ ایک 'گنجے' شخص سے نکاح کرنے جارہی ہیں۔ حمزہ علی عباسی اور نیمل خاور خان کی یہ رومانوی تصاویر نیمل کی بہن کی شادی کی تقریب میں لی گئیں۔نیمل خاور خان کی چھوٹی بہن فضا خاور خان کی شادی بھی اسلام آباد میں منعقد ہوئی۔ https://www.instagram.com/p/B8rGgf2D7Pt/?utm_source=ig_web_copy_link حمزہ علی عباسی نے بھی اس موقع پر لی گئی چند تصاویر اپنے سوشل میڈیا اکاؤنٹ پر شیئر کیں۔ نیمل خاور خان نے اپنی بہن کے نکاح کی تقریب کے دوران نہایت خوبصورت لہنگا زیب تن کیا جبکہ حمزہ علی عباسی سفید رنگ کے شلوار قمیض میں نظر آئے۔ https://www.instagram.com/p/B8rI10wjaLt/?utm_source=ig_web_copy_link واضح رہے کہ حمزہ علی عباسی اور نیمل خاور خان دونوں ہی شوبز کو خیرباد کہہ چکے ہیں اس کے باوجود یہ دونوں ہی مداحوں کے درمیان بہت زیادہ مقبول ہیں۔