بالی وڈ کی کئی نامور فلموں میں اپنی آواز کا جادو جگانے والی بھارتی گلوکارہ شالملی کھولگڑے نے اپنے مسلمان دوست فرحان شیخ سے شادی کرلی۔ گلوکارہ شالملی کھولگڑے نے اپنی شادی کی خبر گزشتہ روز انسٹاگرام کے ذریعے دی۔ انہوں نے بتایا کہ وہ 22 نومبر کو اپنے دوست فرحان شیخ کے ساتھ رشتہ ازدواج میں منسلک ہوگئی ہیں۔ https://www.instagram.com/p/CW5DYi3s5jS/?utm_source=ig_embed&ig_rid=c50ff1c1-1570-45aa-a64d-c76ccf4e7249 شالملی نے خوبصورت تصاویر شیئر کرتے ہوئے لکھا کہ ہم نے بالکل اسی طرح کی شادی کی جس کی ہمیں امید تھی، ہم نے اپنے اہلخانہ، رشتے دار اور چند کزنز کی موجودگی میں گھر میں ہی شادی کی۔ گلوکارہ نے ایک تصویر شیئر کی اور بتایا کہ ہم اپنی شادی میں ہندو اور مسلم رسمیں چاہتے تھے، فرحان کے بہنوئی نے دعا پڑھی، نکاح کا انگریزی ترجمہ کیا اور پھر سورۃ فاتحہ پڑھی۔ https://www.instagram.com/p/CW5EICMsdiU/?utm_source=ig_embed&ig_rid=37bda702-e6f2-445a-a5e9-6bb215677077 گلوکارہ نے ایک اور پوسٹ میں دو تصاویر شیئر کیں جس میں ہندو مذہب کے مطابق رسموں کی ادائیگی ہورہی ہے۔ https://www.instagram.com/p/CW5EZbMMzvD/?utm_source=ig_embed&ig_rid=e35d76d1-0047-45eb-9df1-4a357ceaf868 شالملی کھولگڑے کے شوہر فرحان شیخ کے سوشل میڈیا اکاؤنٹ کے مطابق وہ ایک ساؤنڈ انجینئر ہیں، گلوکارہ کے چاہنے والے انہیں مبارکباد پیش کررہے ہیں جب کہ جوڑے کی آنے والی زندگی کیلئے نیک خواہشات کا بھی اظہار کررہے ہیں۔  واضح رہے کہ شالملی کھولگڑے کے سپر ہٹ گانوں میں بلم پِچکاری، لت لگ گئی، بے بی کو بیس پسند ہے اور دارو دیسی سمیت کئی گانے شامل ہیں۔