Home / انٹرنیشنل / واٹس ایپ ہیکنگ کا خدشہ،ایڈ وائزری جاری

واٹس ایپ ہیکنگ کا خدشہ،ایڈ وائزری جاری

ہیکرز کی جانب سے واٹس ایپ کے ذریعے سافٹ ویئر اور ڈیٹا ہیکنگ کرنے کا انکشاف ہوا ہے۔

اسلام آباد سے جاری اطلاعات کے مطابق نیشنل ٹیلی کام اینڈ انفار میشن ٹیکنالوجی بورڈ کابینہ ڈویژن نے واٹس ایپ کے ذریعے ہیکنگ سے متعلق نئی ایڈوائیزری جاری کی ہے، جس میں بتایا گیا ہے کہ ہیکرز افسران کے ڈیٹا کو واٹس ایپ کے ذریعے ہیک کرسکتے ہیں۔

نیشنل ٹیلی کام اینڈ انفار میشن ٹیکنالوجی کی جانب سے تمام وزارتوں اور ڈویژنوں کو نئی ایڈ وائزری بھی جاری کردی گئی ہے۔کابینہ ڈویژن کے جاری کردہ آ فس میمو رنڈم میں کہا گیا ہے کہ اس بات کی اطلاعات موصول ہوئی ہیں کہ بعض سر کاری افسروں کو واٹس ایپ والے نمبر پر ایسے ایس ایم ایس مو صول ہو رہے ییں، جس میں کسی لنک کو کلک کرنے کا کہا جاتا ہے۔ اس برقی پیغام میں واٹس ایپ کوڈ بھی دیا جاتا ہے ۔

جاری کردہ نوٹی فکیشن کے مطابق یہ بھی بتایا گیا ہے کہ اس برقی پیغام میں یہ بھی درج ہوتا ہے کہ یہ کوڈ کسی دوسرے سے شیئر نہ کیا جا ئے ۔ اگر صارف یہ کلک کردے تو انہیں ایک انٹر نیشنل کال موصول ہوتی ہے۔ یہ کال اٹینڈ کرنے سے ہیکرزاس صارف کی آئی ڈی اور ان کے واٹس ایپ کا مکمل ڈیٹا اپنے پاس ٹرانسفر کر لیتے ہیں۔جاری میمو کے مطابق ایسی کسی بھی صورت حال میں موبائل،سافٹ ویئر یا ڈیٹا ہیکنگ ہونے پر متعلقہ ادارے کو فوری طور پر آگاہ کیا جائے

About Rana Usman

Check Also

فیس بک کی نئی اور دلچسپ ایپ ‘وینیو’ کیا ہے؟

سماجی رابطوں کے مقبول ترین پلیٹ فارم فیس بک نے حال ہی میں صارفین کے …

Leave a Reply

Your email address will not be published. Required fields are marked *