Home / پاکستان / اسلام آباد / بارشیں : سندھ حکومت کو جو مدد چاہیے ملے گی، اسد عمر

بارشیں : سندھ حکومت کو جو مدد چاہیے ملے گی، اسد عمر

اسلام آباد : وفاقی وزیر اسد عمر نے کہا ہے کہ کراچی میں طوفانی بارشوں سے ہونے والی تباہی کے بعد عوام کو ریلیف دینے کیلئے وفاق اور اداروں سے سندھ حکومت کو جو مدد چاہیے ملے گی۔

یہ بات انہوں نے اسلام آباد میں صحافیوں سے گفتگو کرتے ہوئے کہی، انہوں نے کہا کہ وزیراعظم عمران خان نے وزیراعلیٰ سندھ مراد علی شاہ سے بات کی ہے۔

وزیر اعظم نے کراچی میں بارش کی تباہ کاری کے بعد عوام کو ریلیف دینے کے لئے یقین دہانی کرائی ہے کہ وفاق اوراس کے اداروں سے سندھ حکومت کو جس قسم کی بھی مدد چاہیے اسے فراہم کی جائے گی۔

یہ بھی پڑھیں: کراچی کو مشکل گھڑی میں اکیلا نہیں چھوڑیں گے،وزیراعظم

اسد عمر نے کہا کہ وزیراعظم کا عزم ہے کہ مصیبت کی اس گھڑی میں کراچی کے عوام کو بےیارومددگار نہیں چھوڑیں گے، نکاسی آب کیلئے جامع منصوبے کا اعلان جلد کیا جائے گا۔

انہوں نے کہاکہ کراچی میں ریلیف اور ریسکیو آپریشن خود مانیٹر کررہاہوں، چیئرمین این ڈی ایم اے کو لوگوں کے ریسکیو اور متاثرین کی طبی امداد، کھانا،پناہ گاہ اوریوٹیلیٹی سروسزکی بحالی یقینی بنانے کی ہدایت کردی گئی ہے۔

واضح رہے کہ گزشتہ روز وزیر اعظم نے کہا تھا کہ سندھ بالخصوص کراچی میں بارش سےعوام کی تکالیف کاادارک ہے۔ کراچی میں ریلیف اور ریسکیو آپریشن کو خود مانیٹر کررہا ہوں، چیئرمین این ڈی ایم اے اور گورنرسندھ سے متواتر رابطے میں ہوں، نکاسی اور فراہمی آب کے مسئلہ کا مستقل طور پر حل نکالا جائے گا۔

About Rana Usman

Check Also

Election Commission releases schedule

اسلام آباد کی نشست پر ضمنی انتخاب الیکشن کمیشن نے شیڈول جاری کردیا

اسلام آباد : الیکشن کمیشن آف پاکستان نے میئر اسلام آباد کی نشست پر ضمنی …

Leave a Reply

Your email address will not be published. Required fields are marked *