Home / انٹرنیشنل / سعودی وزیر خارجہ فیصل بن فرحان السعود اہم دورے پر کل پاکستان پہنچ رہے ہیں

سعودی وزیر خارجہ فیصل بن فرحان السعود اہم دورے پر کل پاکستان پہنچ رہے ہیں

اسلام آباد : سعودی وزیر خارجہ فیصل بن فرحان السعود کل پاکستان کےدورےپرپہنچیں گے ، دورے کے دوران سعودی وزیر خارجہ پاکستان میں اہم شخصیات سے ملاقاتیں کریں گے۔

تفصیلات کے مطابق پاکستانی دفتر خارجہ کے ترجمان زاہد حفیظ چوہدری کی جانب سے بیان میں کہا گیا ہے کہ سعودی عرب کے وزیر خارجہ 27 جولائی کو پاکستان کا دورہ کریں گے، سعودی وزیر خارجہ وزیر خارجہ شاہ محمودقریشی کی دعوت پر کل اسلام آباد پہنچیں گے، ان کے ہمراہ سینئر سعودی حکام کا وفد بھی ہوگا۔

زاہد حفیظ چوہدری کا کہنا تھا کہ دورے میں دونوں وزرائے خارجہ باہمی تعلقات کے تمام پہلووں، علاقائی اور عالمی معاملاءپر تبادلہ خیال کریں گے جبکہ سعودی وزیر خارجہ دورے میں دیگر پاکستانی حکام سے بھی ملاقاتیں کریں گے، ملاقاتوں میں خطے کی صورتحال سمیت باہمی دلچسی کے امور پر بات چیت ہو گی۔

ترجمان نے کہا ہے کہ مئی میں وزیراعظم عمران خان کے دورہ سعودی عرب کے تناظر میں سعودی وزیر خارجہ کا دورہ اہمیت کا حامل ہے، دورہ دونوں ممالک کے قیادت کے ویژن کے مطابق باہمی تعاون کے فروغ کے جائزے کا بروقت موقع فراہم کرے گا۔

یاد رہے مئی سعودی ولی عہد کی دعوت پر وزیراعظم عمران خان نے سعودی عرب کا دورہ کیا تھا ، اس موقع پر ولی عہدشہزادہ محمد بن سلمان نے وزیر اعظم عمران خان کاپرتپاک استقبال کیا۔

اس دوران تاریخی اوربرادرانہ تعلقات،دوطرفہ تعاون کےتمام پہلوؤں کاجائزہ لیا گیا ، باہمی دلچسپی کےعلاقائی اوربین الاقوامی امورپرتبادلہ خیال کیاگیا اور دوطرفہ تعلقات،سرکاری افسران اورنجی شعبےمیں رابطوں اورتعاون پراتفاق کیا گیا تھا۔

About Mubashir Rehman

Check Also

British Prime Minister Boris Johnson praised Imran Khan on the Billion Tree project

برطانوی وزیراعظم بورس جانسن بلین ٹری منصوبے پر عمران خان کے معترف

نیویارک: برطانوی وزیراعظم بورس جانسن بلین ٹری منصوبے پر وزیراعظم عمران خان کے معترف ہوگئے۔ …

Leave a Reply

Your email address will not be published. Required fields are marked *