Home / پاکستان / اداکارہ ثنا جاوید اور گلوکار عمیر جسوال ایک ہوگئے

اداکارہ ثنا جاوید اور گلوکار عمیر جسوال ایک ہوگئے

پاکستان شوبز انڈسٹری کی خوبرو اداکارہ ثنا جاوید نے گلوکار عمیر جسوال کو اپنا جیون ساتھی چن لیا۔

چند ماہ قبل گلوکار عمیر جسوال کی سالگرہ کے موقع پر اداکارہ ثنا جاوید نے انہیں سالگرہ کی مبارکباد  دی تھی جس کے بعد ان کے مداحوں کی جانب سے کہا جا رہا تھا کہ  دونوں جلد شادی کرنے والے ہیں۔ 

تاہم اداکارہ ثنا جاوید اور گلوکار عمیر جسوال کی جانب سے اس بات کی تصدیق نہیں کی گئی تھی کہ وہ شادی کریں گے یا نہیں۔

View this post on Instagram

Alhamdullilah 🥰

A post shared by Sana Javed (@sanajaved.official) on

اب اچانک ثنا جاوید اور عمیر جسوال دونوں کی جانب سے ہی انسٹاگرام اکاؤنٹ پر تصویر شیئر کی گئی ہے۔

ثنا جاوید نے اپنے انسٹاگرام اکاؤنٹ پر ایک تصویر شیئر کی جس میں وہ عمیر جسوال کا ہاتھ تھامے بیٹھی ہوئی ہیں۔

View this post on Instagram

Alhamdullilah 🥰

A post shared by Umair Jaswal (@umairjaswalofficial) on

عمیر جسوال نے بھی اپنے اکاؤنٹ پر ثنا جاوید کے ساتھ تصویر شیئر کی ہے اور دونوں نے اپنے کیپشن میں ’الحمداللہ‘ لکھا ہے۔

ثنا جاوید اور عمیر جسوال کی تصویر کو دیکھنے کے بعد یہی لگتا ہے کہ دونوں نے نکاح کر لیا ہے۔

ثنا جاوید اور عمیر جسوال کی جانب سے تصویر شیئر کرنے کے  بعد سوشل میڈیا پر شوبز انڈسٹری کی شخصیات سمیت ان کے مداحوں کی جانب سے نیک خواہشات کا اظہار کیا جا رہا ہے۔

خیال رہے کہ اداکارہ ثنا جاوید پاکستان شوبز انڈسٹری کی با صلاحیت اداکاراؤں میں سے ایک ہیں جب کہ گلوکار عمیر جسوال نے کوک اسٹوڈیو کے گانے ’سمی میری وار‘ سے خوب شہرت حاصل کی تھی۔

About Rana Usman

Check Also

Court orders to separate trial of Shahbaz Sharif's wife and children

عدالت کا شہباز شریف کی اہلیہ اور بچوں کا ٹرائل علیحدہ کرنے کا حکم

لاہور : احتساب عدالت نے شہبازشریف کی اہلیہ،بچوں کاٹرائل علیحدہ کرنےکاحکم دے دیا اور شہباز …

Leave a Reply

Your email address will not be published. Required fields are marked *