Home / پاکستان / وزیر اعظم عمران خان فیصل آباد کا دورہ کریں گے

وزیر اعظم عمران خان فیصل آباد کا دورہ کریں گے

اسلام آباد: وزیر اعظم عمران خان آج فیصل آباد کا دورہ کریں گے جہاں وہ مختلف ترقیاتی منصوبوں کا افتتاح کریں گے۔

تفصیلات کے مطابق وزیر اعظم عمران خان آج فیصل آباد کا دورہ کریں گے، وزیر اعظم فیصل آباد میں بزنس کمیونٹی سے ملاقات کریں گے۔

وزیر اعظم آفس کے مطابق وزیر اعظم ٹیکسٹائل مینو فیکچررز اور ایکسپورٹرزسے ملاقات بھی کریں گے علاوہ ازیں وہ لنگر خانے اور ترقیاتی منصوبوں کا بھی افتتاح کریں گے۔

وزیر اعظم فیصل آباد کے ارکان اسمبلی اور رہنماؤں سے بھی ملیں گے۔

خیال رہے کہ چند روز قبل وزیر اعظم عمران خان نے تربت میں دارالاحساس اور وسیلہ تعلیم پروگرام کا افتتاح کیا تھا، اس موقع پر انہوں نے کہا تھا کہ نوجوان پاکستان کا مستقبل ہیں۔

عمران خان کا کہنا تھا کہ میرا ایمان ہے کمزور طبقے کو اوپر لانے تک کوئی بھی قوم ترقی نہیں کرتی، چین نے 30 سال میں 70 کروڑ لوگوں کو غربت سے نکالا اور سپر پاور بن گیا، چین چاہتا ہے کہ سی پیک سے مغربی علاقے کو ترقی دی جائے۔

انہوں نے چین کی ترقی کے حوالے سے کہا تھا کہ چین کی 2 ہزار ارب ڈالر ٹریڈ ہے، پاکستان کی مشکل سے 25 ارب ڈالر ہے، چین کے ساتھ بہتر تعلقات ہمارے لیے ترقی کا زینہ بنے گا۔

About Rana Usman

Check Also

How-much-is-the-price-of-petrol-being-increased-Great-news-for-the-people

پٹرول کی قیمت میں کتنا اضافہ کیا جا رہا ہے؟ عوام کیلئے بڑی خبر آگئی

اسلام آباد : آئل اینڈ گیس ریگولیٹری اتھارٹی(اوگرا) نے پیٹرول کی قیمت میں 13 روپے …

Leave a Reply

Your email address will not be published. Required fields are marked *