Home / پاکستان / وزیر اعظم عمران خان آج وینٹی لیٹر بنانے والے ادارے کا دورہ کریں گے

وزیر اعظم عمران خان آج وینٹی لیٹر بنانے والے ادارے کا دورہ کریں گے

اسلام آباد: وزیر اعظم عمران خان آج نیشنل ریڈیو اینڈ ٹیلی کمیونی کیشن کارپوریشن (این آر ٹی سی) کا دورہ کریں گے۔

تفصیلات کے مطابق وزیر اعظم عمران خان آج وفاقی وزرا فواد چوہدری اور زبیدہ جلال کے ساتھ ہری پور میں این آر ٹی سی کا دورہ کریں گے، اس موقع پر پاکستان میں وینٹی لیٹرز بنائے جانے سے متعلق وزیر اعظم کو بریفنگ دی جائے گی۔

وزیر اعظم اس پیداواری یونٹ کا افتتاح بھی کریں گے، این آر ٹی سی پاکستان کا پہلا اداراہ ہے جو مقامی سطح پر وینٹی لیٹرز بنا رہا ہے، یہ وینٹی لیٹرز آسانی سے ایک جگہ سے دوسری جگہ منتقل کیے جا سکتے ہیں اور انھیں سیف ایونٹ ایس پی 100 (Safevent SP 100) کا نام دیا گیا ہے۔

یہ بھی پڑھیں: سی پیک سے متعلق بڑی خبر، عاصم سلیم باجوہ کا اہم ٹوئٹ

اس پیداواری یونٹ میں ہر ماہ ڈھائی سو سے 300 تک وینٹی لیٹرز تیار کرنے کی صلاحیت ہے۔

وزیر سائنس اینڈ ٹیکنالوجی فواد چوہدری نے کہا تھا کہ پاکستان ان چند ممالک میں شامل ہو گیا ہے جو وینٹی لیٹرز خود تیار کر رہے ہیں، وینٹی لیٹرز کی تیاری کا مرحلہ پیچیدہ عمل ہے، لیکن ہمارے انجینیئرز نے کمال کر دکھایا ہے۔

رواں ماہ کے پہلے ہی دن فواد چوہدری نے یہ خوش خبری بھی سنائی تھی کہ 2 ماہ میں ہم اپنے وینٹی لیٹرز کی پراڈکشن پوری کر دیں گے۔

انھوں نے کہا کہ ہم اب 100 ملین ڈالر سے کرونا سے تحفظ والے آلات کی ایکسپورٹ کرنے لگے ہیں، یہ چیزیں عالمی معیار پر بنائی جا رہی ہیں، این 95 ماسک بھی ہم پاکستان میں خود بنا رہے ہیں، بڑی تعداد میں ٹیسٹنگ کٹس بھی بنائیں گے۔

About Rana Usman

Check Also

Beware that someone called me crazy

خبردارجومجھےکسی نےپاگل کہا، سونیاحسین

اداکارہ سونیا حسین نے ذہنی بیماری کو سنجیدگی سے لینے پر زور دیتے ہوئے اس …

Leave a Reply

Your email address will not be published. Required fields are marked *