Home / پاکستان / خیبر ٹیچنگ اسپتال کی او پی ڈی کل سے بحال کردی جائے گی

خیبر ٹیچنگ اسپتال کی او پی ڈی کل سے بحال کردی جائے گی

پشاور: صوبہ خیبر پختونخواہ کے دارالحکومت پشاور میں خیبر ٹیچنگ اسپتال کی او پی ڈی سروس کل سے بحال کردی جائے گی، او پی ڈی کرونا وائرس کی وجہ سے 24 مارچ سے بند تھی۔

تفصیلات کے مطابق پشاور کے خیبر ٹیچنگ اسپتال کے ترجمان کا کہنا ہے کہ خیبر ٹیچنگ اسپتال میں آؤٹ پیشنٹ ڈپارٹمنٹ سروس (او پی ڈی) کل سے بحال کردی جائے گی۔

ترجمان کا کہنا ہے کہ او پی ڈی میں ایس او پیز پر مکمل عملدر آمد کیا جائے گا، او پی ڈی میں ایک مریض کے ساتھ ایک تیمار دار کی اجازت ہوگی۔

خیال رہے کہ کرونا وائرس کے باعث خیبر ٹیچنگ اسپتال میں او پی ڈی 24 مارچ سے بند تھی، خیبر ٹیچنگ کے علاوہ بھی ملک بھر کے اسپتالوں میں کرونا وائرس کی وجہ سے او پی ڈی سروس بند کردی گئی تھی۔

دوسری جانب ملک بھر میں کرونا وائرس کیسز میں کمی کا سلسلہ جاری ہے، گزشتہ 24 گھنٹوں میں ملک میں کرونا وائرس کے 213 نئے کیسز سامنے آئے جس کے بعد ملک میں مجموعی کیسز کی تعداد 2 لاکھ 95 ہزار 849 ہوگئی۔

گزشتہ 24 گھنٹوں میں 6 اموات کے بعد مجموعی اموات کی تعداد 6 ہزار 294 ہوگئی، ملک میں فعال کیسز کی تعداد 8 ہزار 873 ہے۔

About Rana Usman

Check Also

Increase in Corona cases

کورونا کیسز میں اضافہ: میو اسپتال کا آپریشن تھیٹر بند

لاہور : کورونا کیسز میں اضافے کے پیش نظر لاہور کے میو اسپتال میں روٹین …

Leave a Reply

Your email address will not be published. Required fields are marked *