Home / انٹرنیشنل / عمران خان پر قاتلانہ حملہ امریکا کا اظہار مذمت

عمران خان پر قاتلانہ حملہ امریکا کا اظہار مذمت

واشنگٹن : امریکی وزیرخارجہ انٹونی بلنکن نے صوبہ پنجاب میں عمران خان پر ہونے والی فائرنگ کے واقعے پر مذمت کرتے ہوئے کہا ہے کہ ہم پاکستانی عوام کے ساتھ کھڑے ہیں۔

اپنے ایک جاری بیان میں انہوں نے کہا کہ امریکا ایک سیاسی ریلی میں چیئرمین پی ٹی آئی عمران خان پر فائرنگ کی مذمت کرتا ہے۔

امریکی وزیرخارجہ کا کہنا تھا کہ ہماری خواہش ہے کہ عمران خان اور دیگر زخمی جلد از جلد صحت یاب ہوں، واقعے میں جاں بحق ہونے والے شخص کے اہل خانہ سے اظہار تعزیت کرتے ہیں۔

انٹونی بلنکن کا اپنے بیان میں کہنا تھا کہ تمام جماعتوں کو پرامن رہنا چاہیے، سیاست میں تشدد کی کوئی جگہ نہیں ہوتی، تمام جماعتوں سے مطالبہ ہے کہ تشدد،ہراساں کرنے اور ڈرانے سے باز رہیں۔

انہوں نے کہا کہ امریکا ایک جمہوری اور پرامن پاکستان کے لیے پُرعزم ہے، ہم پاکستانی عوام کے ساتھ کھڑے ہیں۔

یاد رہے کہ گزشتہ شام وزیرآباد میں موجود حقیقی آزادی مارچ میں کنٹینر کے قریب فائرنگ ہوئی ، جس کے نتیجے میں عمران خان زخمی ہوگئے تھے۔

قاتلانہ حملے میں عمران خان سمیت 6 افراد زخمی اور ایک شخص جاں بحق ہوگیا۔ فائرنگ کے بعد مارچ کے دوران بھگدڑ مچ گئی اور کینٹینر پر موجود رہنما بھی گھبرا گئے، فائرنگ کے وقت قافلہ ظفرعلی خان چوک کے قریب پہنچا تھا۔

About Junaid

Check Also

Prominent industrialist SM Munir passed away

ممتاز صنعت کار ایس ایم منیر انتقال کر گئے

 معروف صنعت کار ایس ایم منیر انتقال کرگئے۔ ایس ایم منیر کو آج صبح سے …

Leave a Reply

Your email address will not be published. Required fields are marked *