Home / پاکستان / اسلام آباد / مولانا فضل الرحمن پیپلز پارٹی کی بڑی وکٹ گرانے میں کامیاب ہو گئے

مولانا فضل الرحمن پیپلز پارٹی کی بڑی وکٹ گرانے میں کامیاب ہو گئے

پاکستان پیپلز پارٹی کے سابق سینیٹر عبدالقیوم سومرو جے یو آئی میں شامل ہوگئے۔تفصیلات کے مطابق مولانا فضل الرحمن پیپلز پارٹی کی بڑی وکٹ گرانے میں کامیاب ہو گئے۔جے یو آئی کی جانب سے کراچی میں تقدس حرم نبوی کانفرنس کا انعقاد کیا گیا جس میں سابق سینیٹر عبدالقیوم سومرو نے جے یو آئی میں شمولیت کا اعلان کیا۔ 

اس موقع پر ڈاکٹر قیوم سومرو کا کہنا تھا میری آج میرے گھر واپسی ہوئی۔ عبدالقیوم سومرو نے مولانا فضل الرحمان کی موجودگی میں جے یو آئی میں شمولیت کا اعلان کیا۔عبدالقیوم سومرو سابق صدر آصف علی زرداری کے پولیٹیکل سیکریٹری بھی رہے ہیں۔ڈاکٹر عبدالقیوم سومرو سندھ کے سابق صوبائی وزیر مذہبی امور رہ چکے ہیں۔

جب کہ جمعیت علماء اسلام (ف) کے سربراہ مولانا فضل الرحمن نے کہا ہے کہ فتنے سے اس وقت تک لڑنا ہے جب تک فتنہ ختم نہیں کریں گے،تم نے چار سال جو گند پھیلایا ہے، ہم سے توقع کرتے ہو کہ چار دن میں صاف کریں ،ہم نے اسلئے عمران خان کواقتدار سے نکلا تاکہ ملک کو بچائیں۔ 

ان خیالات کا اظہار انہوں نے جمعیت اسلام کے زیر اہتمام مزار قائد کے سامنے منعقدہ تقدس حرم نبویؐ کانفرنس سے خطاب کرتے ہوئے کیا۔ کانفرنس میں جمعیت اسلام کے کارکنان نے بڑی تعداد میں شرکت کی ۔جمعیت علماء اسلام ف کے سربراہ مولانا فضل الرحمن نے کہا کہ اپ کے برطانیہ کے پارٹی کے رہنماء کس مقصد سے عمرہ کرنے آئے تھے،ہم تحمل اور برداشت کے لوگ ہیں لیکن حرمت رسولؐ وہ مقام ہے جہاں صبر کے بندھن ٹوٹ جاتے ہیں۔

انہوں نے کہا کہ ان کے جلسوں اور پیروں کاروں سے ڈرنانہیں چاہئے ، میری شرافت ان پر تبصرہ کرنے کی اجازت نہیں دیتی۔ مولانا فضل الرحمن نے کہا کہ وہ کہتے ہیں عمرے پر کیوں گئے میرے جلسوں اور ناچ گانوں میں میرے ساتھ کھڑا ہونا چاہئے تھا ۔ پی ڈی ایم کے سربراہ نے کہا کہ عمران خان نے پہلے کہا خط آیا ،بین الاقوامی سازش ہے ۔ انہوں نے کہا کہ پاکستان نے بھی کہا کہ جھوٹ ہے امریکہ نے بھی کہا جھوٹ ہے ۔

About Junaid

Check Also

Journalist Imran Riaz Khan arrested from Islamabad Toll Plaza

صحافی عمران ریاض خان اسلام آباد ٹول پلازہ سے گرفتار

سینئر صحافی عمران ریاض خان کو اسلام آباد ٹول پلازہ سے گرفتار کرلیا گیا۔ اے …

Leave a Reply

Your email address will not be published. Required fields are marked *