Home / پاکستان / مریم نواز کی نیب میں پیشی، ن لیگی قیادت نے کارکنان کو بھی بلالیا

مریم نواز کی نیب میں پیشی، ن لیگی قیادت نے کارکنان کو بھی بلالیا

لاہور : مسلم لیگ ن کی نائب صدر مریم نواز آج قومی احتساب بیورو (نیب) میں پیش ہوں گی، ن لیگی رہنما پر رائیونڈ میں خلاف قانون سستی اراضی خریدنے کا الزام ہے۔

تفصیلات کے مطابق مسلم لیگ ن کے قائد نوازشریف کی صاحبزادی مریم نواز آج نیب میں پیش ہوں گی، اس موقع پر لیگی قیادت کی جانب سے کارکنوں کو بھی رائیونڈ اور قومی احتساب بیورو (نیب) دفتر پہنچنے کی ہدایت کی گئی ہے۔

اس حوالے سے ذرائع کا کہنا ہے کہ مریم نواز پر رائیونڈ میں خلاف قانون سستی اراضی خریدنے کا الزام ہے۔

نیب نے نوازشریف کی صاحبزادی سے چودہ سو چوالیس کنال اراضی پرجواب طلب کررکھا ہے۔ ذرائع نے بتایا مریم کے ساتھ والد نوازشریف،دادی شمیم بیگم بھی شامل تفتیش ہیں۔

یہ بھی پڑھیں: وزیراعلیٰ پنجاب کا نیب میں پیش ہوکر جواب دینے کا اعلان

واضح رہے کہ مریم نواز کی پیشی کیلئے نیب نے سوالنامہ تیار کرلیا ہے، ذرائع کے مطابق نیب سوالنامے میں پوچھا گیا ہے کہ زمین کی خریداری کیلئے فنڈز کب اورکہاں سے لئے؟،زمین کی خریداری کیلئے فنڈز کے ذرائع ہر سال کے حساب سے بتائیں؟۔

نیب نے سوالنامے میں پوچھا ہے کہ زمین کی خریداری کیلئے ٹیکسز اور ڈیوٹیز کی ادائیگی کی تفصیل بھی بتائی جائے،اس میں سے کوئی زمین بیچی گئی ہے تواس کی تفصیلات بھی دیں۔

ذرائع کا کہنا ہے کہ سوالنامے میں مزید پوچھا گیا ہے کہ زمین کس مقصد کیلئے استعمال کی گئی ؟اس کی تفصیلات دیں، زمین زرعی مقاصد کیلئے استعمال کی گئی یا کمرشل مقاصد کیلئے؟۔

About Rana Usman

Check Also

Court orders to separate trial of Shahbaz Sharif's wife and children

عدالت کا شہباز شریف کی اہلیہ اور بچوں کا ٹرائل علیحدہ کرنے کا حکم

لاہور : احتساب عدالت نے شہبازشریف کی اہلیہ،بچوں کاٹرائل علیحدہ کرنےکاحکم دے دیا اور شہباز …

Leave a Reply

Your email address will not be published. Required fields are marked *