Home / پاکستان / ’حلیمہ سلطان‘ کی پشاور زلمی کے مداحوں کیلئے خوشخبری

’حلیمہ سلطان‘ کی پشاور زلمی کے مداحوں کیلئے خوشخبری

 شہرہ آفاق ترکش ڈرامہ سیریز ’ارطغرل غازی‘ کی ’حلیمہ سلطان‘ نے پاکستان سپر لیگ (پی ایس ایل) کی فرنچائز پشاور زلمی کے لیے جلد خوشخبری سنانے کا اعلان کردیا۔

چند روز قبل ٹوئٹر پر  پشاور زلمی کے چیئرمین جاوید آفریدی نے اپنی ٹوئٹس شیئر کرتے ہوئے اظہار خیال کیا تھا کہ ‘ اگر ارطغرل غازی اور حلیمہ سلطان پشاور زلمی کی ٹیم میں برانڈ ایمبیسیڈر کے طور پر شامل ہو جائیں تو؟’۔   

جس پر پاکستانی مداحوں نے بے حد خوشی کا اظہار کیا اور سب نے ہی کہا کہ ایسا ہو جائے تو کیا ہی بات ہو۔

ایسے میں اب ’ارطغرل غازی‘ میں حلیمہ سلطان کا مرکزی کردار نبھانے والی ترکش   اداکارہ اسراء بلجیک نے بھی پشاور زلمی میں شامل ہونے کا عندیہ دے دیا ہے۔

یہ بھی پڑھیں: اداکارہ ہانیہ عامرنے حلیمہ سلطان کا کرداراپنالیا

اسراء بلجیک نے ایک ٹوئٹ شیئر کی جس میں پشاور زلمی اور جاوید آفریدی کو ٹیگ کیا اور لکھا کہ ’میں بہت جلد آپ کو ایک اچھی خبر سناؤں گی۔‘

بعدازاں جاوید آفریدی نے اداکارہ کی ٹوئٹ  پر شکریہ کا جواب بھی دیا۔

اسراء بلجیک کی ٹوئٹ پر پاکستانی مداحوں نے خوشی کا اظہار کیا اور  اب ٹوئٹر پر بھی حلیمہ سلطان کا ہیش ٹیگ سر فہرست پر ٹرینڈ کر رہا ہے۔

واضح رہے کہ سیریز میں مرکزی کردار ادا کرنے والے ارطغرل کی بہادری، مضبوط ایمان، حوصلہ، سب لوگوں کی مخالفت کے باوجود اپنے مقصد پر کھڑے رہنا جیسی خوبیوں نے جہاں پاکستانیوں کو اپنا گرویدہ بنایا ہوا ہے وہیں حلیمہ سلطان نے اپنی خوبصورتی اور شاندار کردار ادا کرنے کی وجہ سے پاکستانیوں کے دلوں میں گھر کر لیا ہے۔

About Rana Usman

Check Also

Beware that someone called me crazy

خبردارجومجھےکسی نےپاگل کہا، سونیاحسین

اداکارہ سونیا حسین نے ذہنی بیماری کو سنجیدگی سے لینے پر زور دیتے ہوئے اس …

Leave a Reply

Your email address will not be published. Required fields are marked *