Home / پاکستان / فیصل آباد میں باپ نے بیٹی کو قتل کردیا

فیصل آباد میں باپ نے بیٹی کو قتل کردیا

فیصل آباد: صوبہ پنجاب کے شہر فیصل آباد میں باپ نے رشتے کے تنازع پر اکلوتی بیٹی کو قتل کردیا۔

فیصل آباد کی تحصیل تاندلیانوالہ میں باپ نے رشتے کے تنازع پر کلہاڑی کے وار کرکے اکلوتی بیٹی کو قتل کردیا، پولیس نے ملزم کو آلہ قتل سمیت گرفتار کرکے مقدمہ درج کرلیا۔

ذرائع کے مطابق تاندلیانوالہ کے چک 592 کے رہائشی بشیر کا برادر نسبتی اسلم اتوار کی شام اپنے بیٹے کے لیے بشیر کی اکلوتی بیٹی بینش کا رشتہ لینے گیا تھا، بشیر کے رشتہ دینے سے انکار پر تلخ کلامی کے بعد بشیر نے مشتعل ہوکر کلہاڑی سے اسلم پر حملہ کردیا۔

یہ بھی پڑھیں: سرعام پھانسی کا قانون ، وفاقی حکومت نے بڑا فیصلہ کرلیا

ذرائع کے مطابق جھگڑے کے دوران بیچ بچاؤ کرواتے ہوئے بشیر کی اپنی بیٹی بینش کلہاڑی کے وار سے موقع پر ہی جاں بحق ہوگئی جبکہ اسلم شدید زخمی ہوگیا۔

پولیس نے ملزم بشیر کو گرفتار کرکے آلہ قتل برآمد کرلیا اور مقدمہ درج کرکے تحقیقات کا آغاز کردیا گیا ہے جبکہ شدید زخمی اسلم کو الائیڈ اسپتال فیصل آباد منتقل کردیا گیا۔

واضح رہے کہ دو ماہ قبل گوجرانوالہ میں 24 سالہ لڑکی کو ماں اور بھائی نے غیرت کے نام پر گلا دبا کر قتل کردیا تھا۔

پولیس کا کہنا تھا کہ مقتولہ اقصیٰ اپنے گھر والوں کی خواہش کے خلاف اپنی پسند سے شادی کرنا چاہتی تھی جس پر بھائی اور والدہ نے اسے قتل کیا اور لوگوں کو بتایا کہ ان کے گھر پر ڈکیتی کے دوران بیٹی ہلاک ہوئی ہے، پولیس نے ملزمان کو گرفتار کرکے مقدمہ درج کرلیا تھا۔

About Rana Usman

Check Also

Pakistan and Zimbabwe

پاکستان اور زمبابوے کے درمیان پہلا ون ڈے میچ آج کھیلا جائے گا

راولپنڈی: پاکستان اور زمبابوے کے درمیان پہلا ون ڈے میچ آج کھیلا جائے گا۔ میچ راولپنڈی کرکٹ اسٹیڈیم …

Leave a Reply

Your email address will not be published. Required fields are marked *