Home / پاکستان / کراچی : برساتی نالے میں ڈوب کر باپ بیٹا سمیت تین افراد جاں بحق

کراچی : برساتی نالے میں ڈوب کر باپ بیٹا سمیت تین افراد جاں بحق

کراچی : شہر قائد میں مون سون بارشوں نے تباہی مچادی،تھانہ سچل کی حدودمیں 3افراد نالے میں ڈوب گئے، جن میں سے دو باپ بیٹا ہیں، ریسکیو ٹیمیں ڈوبنے والوں کو تلاش کررہی ہیں۔

تفصیلات کے مطابق کراچی میں مون سون بارشوں نے کئی گھروں میں صف ماتم بچھا دی، مختلف حادثات و واقعات میں اب تک 18 افراد جاں بحق اور متعدد زخمی ہوگئے۔

کراچی کے علاقے تھانہ سچل تھانے کی حدود میں 3افراد برساتی نالے میں ڈوب گئے، اس حوالے سے ایس ایس پی ایسٹ ساجد سدو زئی نے میڈیا کو بتایا کہ واقعہ کل رات 9بجے پیش آیا تھا، ، ڈوبنے والے افراد میں باپ بیٹا بھی شامل ہیں۔

یہ بھی پڑھیں: کراچی میں طوفانی بارش18 افراد کی جان لے گئی

ایس ایس پی ایسٹ کا کہنا ہے کہ علاقہ کا ایک شخص ڈوبنے والے باپ بیٹے کو بچانے گیا تو وہ بھی ڈوب گیا، پولیس اور ریسکیو ٹیمیں تینوں افراد کی تلاش میں مصروف ہیں۔

گزشتہ روز کراچی کے علاقے گلستان جوہر صائمہ اسکوائر کی دیوار گرنے سے 7 افراد جاں بحق ہوگئے تھے، جاں بحق افراد میں 4 بچے، 3 خواتین بھی شامل ہیں۔

واضح رہے کہ کراچی میں جمعرات کی صبح سے موسلادھار بارش کا سلسلہ دن بھر جاری رہا، محکمہ موسمیات کے مطابق شہر میں 200 ملی میٹر سے زائد بارش ریکارڈ کی گئی جس کے بعد شہر کی اہم سڑکیں اور شاہراہیں ندی نالوں کا منظر پیش کر رہی ہیں۔

About Rana Usman

Check Also

Court orders to separate trial of Shahbaz Sharif's wife and children

عدالت کا شہباز شریف کی اہلیہ اور بچوں کا ٹرائل علیحدہ کرنے کا حکم

لاہور : احتساب عدالت نے شہبازشریف کی اہلیہ،بچوں کاٹرائل علیحدہ کرنےکاحکم دے دیا اور شہباز …

Leave a Reply

Your email address will not be published. Required fields are marked *