Home / پاکستان / اسلام آباد / ملک میں 24 گھنٹوں کے دوران کرونا سے 14 افراد جاں بحق

ملک میں 24 گھنٹوں کے دوران کرونا سے 14 افراد جاں بحق

اسلام آباد: ملک میں گزشتہ 24 گھنٹوں کے دوران کرونا وائرس انفیکشن کی وجہ سے مزید 14 افراد جاں بحق ہو گئے۔

نیشنل کمانڈ اینڈ آپریشن سینٹر کے مطابق ملک میں 24 گھنٹوں کے دوران مزید 615 کرونا کیسز رپورٹ ہوئے، جس سے ملک میں کرونا کے مصدقہ کیسز کی تعداد 3 لاکھ 20 ہزار 463 ہو گئی ہے۔

ملک میں 24 گھنٹوں کے دوران کرونا وائرس سے مزید چودہ افراد انتقال کر گئے جس کے بعد پاکستان میں کرونا سے انتقال کرنے والوں کی تعداد 6 ہزار 601 ہو گئی ہے۔

یہ بھی پڑھیں: کرونا کیسز میں اضافہ، عوامی اجتماعات پر پابندی، این سی او سی کا نیا ہدایت نامہ جاری

این سی او سی کا کہنا ہے کہ اس وقت پاکستان میں کرونا کے 8 ہزار 782مریض زیر علاج ہیں، گزشتہ 24 گھنٹوں کے دوران 471 کرونا مریض صحت یاب ہوئے جس کے بعد ملک میں کروناسے صحت یاب افراد کی تعداد 3 لاکھ 5 ہزار 80 ہوگئی۔

کرونا کی تشخیص کے لیے ملک میں 24 گھنٹوں کے دوران 28 ہزار 916 ٹیسٹ کیےگئے، مجموعی طور پر اب تک پاکستان میں 39 لاکھ 43 ہزار 734 کرونا ٹیسٹ کیے جا چکے ہیں۔

خیال رہے کہ نہایت مہلک اور نئے کرونا وائرس کو وِڈ 19 کی پہلی لہر کو پاکستان میں بہترین حکمت عملی سے قابو کیا گیا تھا، اب دوسری لہر شروع ہو چکی ہے، جسے قابو کرنے کے لیے مختلف اقدامات کیے جا رہے ہیں۔

About Rana Usman

Check Also

Pakistan and Zimbabwe

پاکستان اور زمبابوے کے درمیان پہلا ون ڈے میچ آج کھیلا جائے گا

راولپنڈی: پاکستان اور زمبابوے کے درمیان پہلا ون ڈے میچ آج کھیلا جائے گا۔ میچ راولپنڈی کرکٹ اسٹیڈیم …

Leave a Reply

Your email address will not be published. Required fields are marked *