Home / پاکستان / حافظ آباد: بینک کے7 ملازمین میں کرونا وائرس کی تشخیص

حافظ آباد: بینک کے7 ملازمین میں کرونا وائرس کی تشخیص

حافظ آباد: صوبہ پنجاب کے شہر حافظ آباد میں نجی بینک کے عملے کے 7 افراد میں کرونا وائرس کی تصدیق ہوگئی۔

تفصیلات کے مطابق محکمہ صحت پنجاب کا کہنا ہے کہ حافظ آباد میں نجی بینک کے عملے کے 7 افراد میں کرونا وائرس میں مبتلا ہوگئے۔ ملازمین کے کرونا ٹیسٹ مثبت آنے پر مین برانچ سیل کر دی گئی۔

ترجمان محکمہ صحت پنجاب کا کہنا تھا کہ کرونا متاثرین کوگھروں پر قرنطینہ کر دیاگیا،بینک اسٹاف کے اہل خانہ کے ٹیسٹ کرائے جا رہے ہیں۔

محکمہ صحت کے مطابق پنجاب میں کروناوائرس کے 919 نئے کیس سامنے آ گئے،صوبے میں کرونا وائرس کے کنفرم مریضوں کی تعداد 22037 ہوگئی۔پنجاب میں کرونا وائرس سے مزید 19اموات کے بعد مرنے والوں کی 381 ہوگئی۔

ترجمان ہیلتھ کئیر کا کہنا تھا کہ پنجاب میں اب تک 217726 ٹیسٹ کیے جا چکے ہیں، جبکہ صوبے میں کرونا کوشکست دینے والوں کی تعداد 6326 ہو گئی ہے۔

واضح رہے کہ پاکستان میں کرونا وائرس سے گزشتہ چوبیس گھنٹوں کے دوران مزید 36 افراد جان کی بازی ہار گئے، جس کے بعد اموات کی تعداد 1260 ہو گئی ہے۔

نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین کی عالمگیر وبا سے پاکستان بھر میں 61,227 افراد متاثر ہو چکے ہیں، جبکہ اموات کی تعداد 1260 ہوگئی ہے۔

About Rana Usman

Check Also

man died from police torture

پاراچنار میں20 سالہ قیدی مبینہ طور پر پولیس تشدد سے جاں بحق

پاراچنار میں مبینہ پولیس تشدد سے بیس سالہ قیدی اسد علی دم توڑ گیا، جس …

Leave a Reply

Your email address will not be published. Required fields are marked *