Home / پاکستان / آٹھ اراکین میں کورونا کی تصدیق ، ارکان سندھ اسمبلی کیلئے کورونا ٹیسٹ لازمی قرار

آٹھ اراکین میں کورونا کی تصدیق ، ارکان سندھ اسمبلی کیلئے کورونا ٹیسٹ لازمی قرار

کراچی : آٹھ اراکین میں کورونا کی تصدیق کے بعد ارکان سندھ اسمبلی کیلئے کورونا ٹیسٹ لازمی قرار دے دیا گیا ہے جبکہ اسٹاف کے بھی ٹیسٹ ہوں گے،اس سلسلے میں ٹیمیں بنادی گئی ہے۔

تفصیلات کے مطابق ارکان سندھ اسمبلی کیلئےکورونا ٹیسٹ لازم قرار دے دیا گیا ، اسمبلی اجلاس میں شرکت کیلئےاراکین کولازمی کوروناٹیسٹ کرانا ہوگا ، سندھ اسمبلی کا اجلاس3 جون کو ہوگا۔

اس سلسلے میں محکمہ صحت سندھ نےاراکین اسمبلی کےکوروناٹیسٹ کیلئےخصوصی ٹیم تشکیل دے دیں ، اسمبلی سیکریٹریٹ کی درخواست پرٹیم متعلقہ شہروں میں ہی ٹیسٹ کیلئےنمونےحاصل کرے گی۔

سندھ اسمبلی کےاسٹاف کے بھی کوروناٹیسٹ ہوں گے، حکومت واپوزیشن میں سندھ اسمبلی اجلاس میں کم تعداد میں ارکان کی شرکت پراتفاق کرلیا گیا ہے جبکہ پیپلز پارٹی نے 60سال سے زائد عمر اور مختلف بیماریوں میں مبتلا ارکان کو نہ آنے کا مشورہ دیا ہے۔

خیال رہے شہر قائد میں کورونا وائرس کے کیسز کی تعداد بڑھنے لگی اور مزید 2 اراکین سندھ اسمبلی میں وائرس تصدیق ہوئی ہے، جس کے بعد کورونا سے متاثرہ ارکان کی تعداد 8 مہوگئی ، جس میں سے 3 ارکان سندھ اسمبلی کرونا وائرس سے صحت یاب ہو چکے ہیں۔

گذشتہ روز سندھ اسمبلی کے دو اراکین سعدیہ جاوید اور ساجد جوکھیو میں کورونا وائرس کی تصدیق ہوئی تھی، جس پر انہوں نے خود کو گھر میں آئیسولیٹ کرلیا تھا ، اس سے قبل ایم کیوایم کی رکن سندھ اسمبلی منگلا شرما میں کورونا وائرس کی تصدیق ہوئی۔

پیپلز پارٹی کے رکن ڈاکٹر سہراب سرکی اور لیاقت آسکانی بھی کورونا وائرس سے متاثر ہیں۔ صوبائی وزیر مرتضیٰ بلوچ کرونا کی وجہ سے مقامی اسپتال میں زیر علاج ہیں جبکہ
رکن سندھ اسمبلی سید عبدالرشید کورونا وائرس سے صحت یاب ہوگئے اور رکن سندھ اسمبلی راناہمیر سنگھ کی دوسری کورونا رپورٹ منفی آگئی۔

About Rana Usman

Check Also

birthday of 1965 war hero MM Alam

1965 کی جنگ کے ہیرو ایم ایم عالم کا 85 واں یوم پیدائش

کراچی : پاک فضائیہ کے مایہ ناز پائلٹ ایم ایم عالم کا آج 85 واں …

Leave a Reply

Your email address will not be published. Required fields are marked *