Home / پاکستان / کراچی سمیت سندھ بھر میں سی این جی کی بندش کا شیڈول جاری

کراچی سمیت سندھ بھر میں سی این جی کی بندش کا شیڈول جاری

کراچی : سوئی سدرن گیس کمپنی نے کراچی سمیت سندھ بھر میں سی این جی اسٹیشن کی بندش کا شیڈول جاری کردیا، ہفتے میں تین دن سی این جی اسٹیشن چوبیس گھنٹوں کے لئے بند رہیں گے۔

تفصیلات کے مطابق آج اور مزید دو دن کیلئے کراچی سمیت سندھ بھر میں سی این جی اسٹیشنز بند رہیں گے۔ ایس ایس جی سی نے سی این جی کی بندش کا شیڈول جاری کردیا۔

ہفتے میں تین دن گیس کی فراہمی معطل رہے گی، اس حوالے سے ترجمان سوئی سدرن گیس کمپنی کا کہنا ہے کہ سندھ بھر میں سی این جی اسٹیشنز پیر، بدھ اور جمعہ کو بند رہیں گے۔

ترجمان کے مطابق گیس سسٹم میں کم پریشر کی وجہ سے سوئی سدرن گیس کمپنی کو گھریلو صارفین اور کمرشل سیکٹر کی طلب پوری کرنے میں مشکلات کا سامنا ہے۔

ایس ایس جی سی نے گھریلو اور کمرشل سیکٹر کی طلب پوری کرنےکے لئے سی این جی اسٹیشن کو ہفتے میں تین دن گیس کی فراہمی معطل کرنے کا اعلان کیا ہے۔

ترجمان کے مطابق کراچی سمیت سندھ بھر میں تمام سی این جی اسٹیشن کو5 اکتوبر7 اکتوبر اور9 اکتوبرکو صبح 8بجے سے24 گھنٹوں کے لئے گیس کی فراہمی معطل رہے گی۔

About Rana Usman

Check Also

Election Commission releases schedule

اسلام آباد کی نشست پر ضمنی انتخاب الیکشن کمیشن نے شیڈول جاری کردیا

اسلام آباد : الیکشن کمیشن آف پاکستان نے میئر اسلام آباد کی نشست پر ضمنی …

Leave a Reply

Your email address will not be published. Required fields are marked *