Home / پاکستان / پنجاب: 24گھنٹوں کے دوران ڈینگی کے 533 مشتبہ کیسز رپورٹ

پنجاب: 24گھنٹوں کے دوران ڈینگی کے 533 مشتبہ کیسز رپورٹ

لاہور: صوبہ پنجاب میں گزشتہ 24 گھنٹوں کے دوران ڈینگی کے 533 مشتبہ مریض سامنے آگئے، ممکنہ ڈینگی متاثرین کو سرویلنس میں رکھ کر ٹیسٹ کیے جا رہے ہیں۔

تفصیلات کے مطابق ترجمان سیکنڈری ہیلتھ کیئر کا کہنا ہے کہ ڈینگی کے 533مشتبہ مریضوں کو سرویلنس میں رکھ کر ٹیسٹ کیے جا رہے ہیں، مشتبہ مریضوں کو ابتدائی طبی امداد دی جارہی ہے۔

ترجمان کے مطابق پنجاب میں اب تک ڈینگی کے مریضوں کی کل تعداد 45ہے، صوبے میں ڈینگی کے3مریض زیر علاج جبکہ 42 صحت یاب ہوچکے ہیں، صوبہ بھر میں رواں سال ڈینگی سے کوئی قیمتی جان ضائع نہیں ہوئی۔

یہ بھی پڑھیں: پاکستان میں کرونا کیسز اور اموات میں بتدریج کمی

پرائمری اینڈ سکینڈری ہیلتھ کیئر کے ترجمان کا کہنا تھا کہ گزشتہ ایک ہفتےمیں صوبہ بھر کے 8,843 مقامات سے ڈینگی لاروا برآمد ہوا، عوام سے گزارش ہے کہ اردگرد کے ماحول کو خشک اور صاف رکھ کر ڈینگی وائرس سے محفوظ رہیں۔

انہوں نے مزید کہا کہ ڈینگی کی علامات ظاہر ہونے پر طبی رہنمائی کے لئے 1033پر رابطہ کریں، اگر ڈینگی ٹیمیں آپ کے علاقے میں نہ پہنچیں تو 1033 پر شکایت درج کروائیں۔

About Rana Usman

Check Also

Court orders to separate trial of Shahbaz Sharif's wife and children

عدالت کا شہباز شریف کی اہلیہ اور بچوں کا ٹرائل علیحدہ کرنے کا حکم

لاہور : احتساب عدالت نے شہبازشریف کی اہلیہ،بچوں کاٹرائل علیحدہ کرنےکاحکم دے دیا اور شہباز …

Leave a Reply

Your email address will not be published. Required fields are marked *