Home / پاکستان / اسلام آباد / پورٹ قاسم ایل این جی ٹرمینل کیلئے دو کمپنیوں نے تجاویز کے ساتھ رقم جمع کرادی

پورٹ قاسم ایل این جی ٹرمینل کیلئے دو کمپنیوں نے تجاویز کے ساتھ رقم جمع کرادی

اسلام آباد : تعبیر انرجی اور اینرگیس نے پورٹ قاسم پر نجی ایل این جی ٹرمینل کی قیام کیلئے اپنے تکنیکی اور مالیاتی تجویز کے ساتھ دو، دو ملین ڈالرجمع کرا دیئے ہیں۔

تفصیلات کے مطابق پی ٹی آئی حکومت کو پورٹ قاسم ایل این جی ٹرمینل منصوبے میں بڑی کامیابی مل گئی، تعبیر انرجی، اینرگیس نے دو ٹرمنلز کے لیے2.2ملین ڈالرجمع کرادیے۔اس حوالے سے وفاقی وزیر پورٹ اینڈ شپنگ علی زیدی کا کہنا ہے کہ پورٹ قاسم پر ٹرمینلز کی سائٹ لاگت10،10ملین ڈالر ہے، تعبیرانرجی، اینرگیس منصوبے پر مزید8،8ملین ڈالر ادا کریں گی۔

پورٹ قاسم پر دونوں ایل این جی ٹرمینلز کی مجموعی لاگت20ملین ڈالر ہے، انہوں نے کہا کہ ن لیگ دور حکومت میں ایل این جی جہاز کا کرایہ ڈھائی لاکھ ڈالر فی دن منظور ہوا تھا جس کی وجہ سے دو ایل این جی ٹرمینل کے2جہازوں پر یومیہ5لاکھ ڈالر کا بوجھ آتا ہے۔ علی زیدی نے بتایا کہ نئے ایل این جی ٹرمینل معاہدے میں جہازوں کے کرایے کی ادائیگی ختم کر دی گئی ہے، وزیر اعظم عمران خان حکومت کے اقدام سے420ارب روپے کی بچت ہوگی، پی ٹی آئی حکومت کے معاہدے میں ایل این جی لازمی لینے کی شرط بھی ختم کی گئی ہے۔

وفاقی وزیر بحری امور سید علی زیدی نے مزید کہا کہ تعبیر انرجی اور اینر گیس کایہ اقدام نجی سرمایہ کاری کیلئے پاکستان میں سرمایہ داروں کے اعتماد کی نشانی ہے۔

About Rana Usman

Check Also

Important statement of Waqar Younis

تھوک کے علاوہ گیند چمکانے کا کوئی متبادل طریقہ ہوسکتا ہے؟ وقار یونس کا اہم بیان

ووسٹر: قومی کرکٹ ٹیم کے بولنگ کوچ وقار یونس کہا ہے کہ کروناوائرس کا سلسلہ …

Leave a Reply

Your email address will not be published. Required fields are marked *