Home / پاکستان / ورلڈ میری ٹائم ڈے 2021 کے موقع پر سربراہ پاک بحریہ کا اہم پیغام

ورلڈ میری ٹائم ڈے 2021 کے موقع پر سربراہ پاک بحریہ کا اہم پیغام

کراچی : نیول چیف نے جہازرانوں کو خراج تحسین پیش کرتے ہوئے کہا کہ جہازرانوں نے مشکل وبائی صورتحال کے باوجود سپلائی چین کو برقرار رکھا۔

سربراہ پاک بحریہ ایڈمرل محمد امجد خان نیازی نے عالمی میری ٹائم ڈے 2021 کے موقع پر جاری اپنے پیغام میں ان خیالات کا اظہار کیا، انہوں نے کہا کہ عالمی دن سمندر کے تحفظ اور اہمیت اجاگر کرنے کےلیے منایا جاتا ہے۔

نیول چیف نے کہا کہ میری ٹائم کے عالمی دن کے موضوع ’جہازران جہاز رانی کے مستقبل کی بنیاد‘ ہے اور آج کا دن جہاز رانوں کو خراج تحسین پیش کرنے کا دن ہے۔

سربراہ پاک بحریہ کا کہنا تھا کہ جہاز رانوں نے مشکل وبائی صورتحال کے باوجود سپلائی چین کو برقرار رکھا۔

ان کا کہنا تھا کہ قدرت نے پاکستان کو متعدد سمندری وسائل سے نوازا ہے اور اقتصادی راہداری کی کامیابی محفوظ سمندری راستوں سے منسلک ہے۔

نیول چیف نے مزید کہا کہ پاک بحریہ میری ٹائم شعبے سے متعلق آگاہی اور بلیو اکانومی کے فروغ کےلیے اہم کردار ادا کررہی ہے۔

About Junaid

Check Also

Journalist Imran Riaz Khan arrested from Islamabad Toll Plaza

صحافی عمران ریاض خان اسلام آباد ٹول پلازہ سے گرفتار

سینئر صحافی عمران ریاض خان کو اسلام آباد ٹول پلازہ سے گرفتار کرلیا گیا۔ اے …

Leave a Reply

Your email address will not be published. Required fields are marked *