Home / انٹرنیشنل / عراق میں ایرانی قونصلیٹ نذرآتش

عراق میں ایرانی قونصلیٹ نذرآتش

نجف: عراق میں جاری حکومت مخالف احتجاج کے دوران مظاہرین نے ایرانی قونصلیٹ کو آگ لگا دی۔

تفصیلات کے مطابق عراق کے مختلف شہروں میں حکومت مخالف مظاہروں کا سلسلہ جاری ہے، مظاہرین نے شہر نجف میں قائم ایرانی قونصلیٹ کا آگ لگا دی، انتظامیہ نے جنوبی عراق میں کرفیو نافذ کردیا۔

غیرملکی خبررساں ادارے کے مطابق مظاہرین نے ایران کے خلاف بھی سخت نعرے بازی کی، احتجاج کرنے والوں کا کہنا تھا کہ تہران حکومت عراقی پالیسی میں مداخلت کرتی ہے، مظاہرین ’ایران عراق سے نکلو‘ کے نعرے لگا رہے تھے۔

قونصل خانے کی عمارت کو نذرآتش کرنے کے دوران خوش قسمتی سے سرکاری عملہ باہر آچکا تھا جس کے باعث کوئی جانی نقصان نہیں ہوا، ایرانی قونصل خانے پر یہ ایک ماہ میں دوسرا حملہ ہے۔ اس سے قبل کربلا میں ایرانی قونصل خانے پر تین ہفتے پہلے حملہ ہوا تھا۔ خیال رہے کہ گزشتہ روز مظاہرین نے عراق کی سرکاری عمارت پر دھاوا بولا تاہم پولیس نے بروقت کارروائی کرتے ہوئے مظاہرین کی کوششیں ناکام بنا دیں، پولیس نے مظاہرین کو منتشر کرنے کے لیے آنسوگیس کی شیلنگ اور فائرنگ کی جس سے متعدد افراد زخمی ہوئے۔

واضح رہے کہ عراق کے مختلف شہروں میں کرپشن اور مہنگائی کے خلاف شہری سراپا احتجاج ہیں، گزشتہ دنوں جنوبی شہر بصریٰ اور نصیریہ میں پولیس اور مظاہرین کے درمیان جھڑپوں کے نتیجے میں 6 افراد ہلاک ہوئے تھے، جبکہ عراقی شہر ام قصر میں پولیس کی فائرنگ سے 9 مظاہرین جان کی بازی ہار گئے تھے۔

About Sehrish Ameen

Check Also

یو اے ای میں طالبہ کی ہلاکت معمہ بن گئی

شارجہ: متحدہ عرب امارات کی ریاست شارجہ میں بلندو بالا رہائشی عمارت سے گر کر …

Leave a Reply

Your email address will not be published. Required fields are marked *