Home / انٹرنیشنل / جرمن نواب کا انگریزوں‌ سے انوکھا انتقام

جرمن نواب کا انگریزوں‌ سے انوکھا انتقام

جرمن ہمیشہ سے ایک خاص احساسِ برتری میں مبتلا رہے ہیں۔ انھیں اقوامِ عالم میں خود پر سب سے زیادہ فخر کرنے والی قوم سمجھا جاتا ہے جس کی مختلف وجوہ اور اسباب ہیں۔ تاہم جو واقعہ آپ پڑھنے جارہے ہیں، اس سے کم از کم یہ ضرور ثابت ہوتا ہے کہ جرمن ذہین ہوتے ہیں۔

یہ کئی دہائیوں پہلے کی بات ہے جب ڈربن کے نواح میں ایک نئی بستی تعمیر کی جارہی تھی۔ علاقے کا ایک نواب یہاں بڑے رقبے پر پھیلی ہوئی زمین کا مالک تھا۔ وہ جرمن باشندہ تھا جب کہ اس علاقے میں انگریز خاصی تعداد میں بستے تھے۔ بستی کی تعمیر کے ساتھ اس کی مختلف گلیوں اور سڑکوں کا نام بھی رکھنا تھا۔

یہ اختیار نواب کو دیا گیا۔ اس شخص نے جرمن زبان میں پیچیدہ نام رکھنے شروع کر دیے۔ اس پر متعلقہ افراد نے سمجھایا کہ یہ انگریزوں کی آبادی ہے، اس لیے ان کی خوشی کو مقدم رکھنا چاہیے۔ لوگوں کا کہنا تھاکہ انگریزی نام زیادہ مناسب رہیں گے۔ نواب نے کچھ دن کی مہلت طلب کی اور پھر نئے ناموں کی ایک فہرست سب کے سامنے رکھ دی۔ سبھی خوش ہوگئے کیوں کہ یہ سب حقیقی انگریزی نام تھے۔

کئی سال بعد بستی کے ایک مکین کو سڑکوں کے ناموں سے کچھ شناسائی کا احساس ہوا۔ اس کے جذبۂ تجسس نے اسے تحقیق پر اُکسایا۔ تب یہ عقدہ کھلا کہ اس جرمن نواب نے بیش تر سڑکوں کو برطانوی بحریہ کے ان جنگی جہازوں کا نام دیا گیا تھا جنھیں دوسری جنگِ عظیم میں جرمنوں نے غرق کیا تھا۔

About Sehrish Ameen

Check Also

یو اے ای میں طالبہ کی ہلاکت معمہ بن گئی

شارجہ: متحدہ عرب امارات کی ریاست شارجہ میں بلندو بالا رہائشی عمارت سے گر کر …

Leave a Reply

Your email address will not be published. Required fields are marked *