لاہور کی انسداد دہشت گردی عدالت نے جناح ہاؤس کے باہر گاڑیاں جلانے کے مقدمے میں پی ٹی آئی کارکن صنم جاوید سمیت 5 ملزمان کی ضمانتیں منظور کرلیں۔

انسدادِ دہشت گردی عدالت کے جج ارشد جاوید نے جناح ہاؤس کے باہر گاڑیاں جلانے سے متعلق کیس کا فیصلہ سنا دیا۔

عدالت نے صنم جاوید سمیت 5 ملزمان کی درخواست ضمانت منظور کرلی۔ ملزمان میں سید فیصل، عمیر، افشاں طارق اور علی حسن شامل ہیں۔

اس کے علاوہ عدالت نے روبینہ جمیل کی درخواست ضمانت خارج کردی۔یاد رہے کہ ملزمان کے خلاف تھانہ سرور روڑمیں مقدمہ درج ہے۔