پاکستان بیورو برائے شماریات کے اعداد و شمار کے مطابق جاری مالی سال کے پہلے 8 ماہ میں چائے کی درآمد کا حجم 396.44 ملین ڈالر ریکارڈ کیا گیا، جو گزشتہ مالی سال کی اسی مدت میں 423.85 ملین ڈالر تھا۔

جولائی سے فروری تک کی مدت میں 1 لاکھ 59 ہزار 552 میٹرک ٹن چائے درآمد کی گئی، جو گزشتہ مالی سال کی اسی مدت میں 1 لاکھ 77 ہزار 613 میٹرک ٹن تھی۔

اس مدت میں مصالحہ جات کی درآمدات میں سالانہ بنیادوں پر 34.31 فی صد کی کمی ریکارڈ کی گئی۔

جولائی سے فروری تک مصالحہ جات کی درآمد پر 104.15 ملین ڈالر زرمبادلہ صرف ہوا، جو گزشتہ مالی سال کی اسی مدت میں 158.56 ملین ڈالر تھا۔

مالی سال کے پہلے 8 ماہ میں 1 لاکھ 2 ہزار 898 میٹرک ٹن مصالحہ جات کی درآمد ریکارڈ کی گئی جو گزشتہ مالی سال کی اسی مدت میں 102869 میٹرک ٹن تھی۔