کینبرا: پاکستان اور پرائم منسٹر الیون کے درمیان کھیلا جانے والا چار روزہ پریکٹس میچ ڈرا ہوگیا۔

اے آر وائی نیوز کے مطابق کینبرا میں کھیلا جانے والا پاکستان اور پی ایم آسٹریلیا الیون کے درمیان چار روزہ وارم اپ میچ ڈرا ہوگیا، میچ کے چوتھے روز بارش کے باعث ایک گیند بھی نہ کرائی جاسکی۔

میچ میں پاکستان نے پہلی اننگز 9 وکٹ پر 391 رنز بنا کر ڈیکلیئر کردی تھی، جواب میں میزبان ٹیم نے چار وکٹ پر 367 رنز بنائے۔

قومی ٹیم کے کپتان شان مسعود میچ کے بہترین کھلاڑی قرار پائے، انہوں نے 201 رنز کی شاندار اننگز کھیلی۔

واضح رہے کہ یہ چار روزہ میچ ٹیسٹ میچ سیریز کی تیاری کا حصہ تھا، پاکستان اور آسٹریلیا کے درمیان تین میچوں کی ٹیسٹ سیریز 14 دسمبر سے 7 جنوری تک کھیلی جائے گی۔